1.0Menter Iaith Sir Benfrohttps://mentersirbenfro.cymru/enrich600338<blockquote class="wp-embedded-content" data-secret="aVbFToC3c9"><a href="https://mentersirbenfro.cymru/en/eingwaith/cymunedol/">In the Community</a></blockquote><iframe sandbox="allow-scripts" security="restricted" src="https://mentersirbenfro.cymru/en/eingwaith/cymunedol/embed/#?secret=aVbFToC3c9" width="600" height="338" title="“Cymunedol” — Menter Iaith Sir Benfro" data-secret="aVbFToC3c9" frameborder="0" marginwidth="0" marginheight="0" scrolling="no" class="wp-embedded-content"></iframe><script> /*! This file is auto-generated */ !function(d,l){"use strict";l.querySelector&&d.addEventListener&&"undefined"!=typeof URL&&(d.wp=d.wp||{},d.wp.receiveEmbedMessage||(d.wp.receiveEmbedMessage=function(e){var t=e.data;if((t||t.secret||t.message||t.value)&&!/[^a-zA-Z0-9]/.test(t.secret)){for(var s,r,n,a=l.querySelectorAll('iframe[data-secret="'+t.secret+'"]'),o=l.querySelectorAll('blockquote[data-secret="'+t.secret+'"]'),c=new RegExp("^https?:$","i"),i=0;i<o.length;i++)o[i].style.display="none";for(i=0;i<a.length;i++)s=a[i],e.source===s.contentWindow&&(s.removeAttribute("style"),"height"===t.message?(1e3<(r=parseInt(t.value,10))?r=1e3:~~r<200&&(r=200),s.height=r):"link"===t.message&&(r=new URL(s.getAttribute("src")),n=new URL(t.value),c.test(n.protocol))&&n.host===r.host&&l.activeElement===s&&(d.top.location.href=t.value))}},d.addEventListener("message",d.wp.receiveEmbedMessage,!1),l.addEventListener("DOMContentLoaded",function(){for(var e,t,s=l.querySelectorAll("iframe.wp-embedded-content"),r=0;r<s.length;r++)(t=(e=s[r]).getAttribute("data-secret"))||(t=Math.random().toString(36).substring(2,12),e.src+="#?secret="+t,e.setAttribute("data-secret",t)),e.contentWindow.postMessage({message:"ready",secret:t},"*")},!1)))}(window,document); //# sourceURL=https://mentersirbenfro.cymru/wp-includes/js/wp-embed.min.js </script>Cymunedol Creu gofod i ddefnyddio’r Gymraeg o fewn y gymuned Mae ein gwaith cymunedol yn canolbwyntio ar ddod â phobl at ei gilydd drwy’r Gymraeg, gan greu cyfleoedd naturiol i gymdeithasu, rhannu profiadau a mwynhau diwylliant lleol. Trwy weithgareddau amrywiol ledled Sir Benfro, rydym yn meithrin ymdeimlad cryf o berthyn a chefnogi defnydd y Gymraeg fel rhan fyw o fywyd bob dydd y gymuned. Nosweithiau Cymdeithasol Rydym yn cynnig ystod eang o gyfleoedd cymdeithasol i ddod â phobl ynghyd drwy’r Gymraeg. Mae ein gweithgareddau’n cynnwys nosweithiau hamddenol yng nghwmni pobl adnabyddus o fyd diwylliant a cherddoriaeth, gan greu cyfleoedd i gymdeithasu a mwynhau mewn awyrgylch groesawgar. Yn aml, rydym yn cydweithio â Gwerin Fel ‘Na Mai, grŵp poblogaidd ac adnabyddus yn yr ardal, i gyflwyno digwyddiadau sy’n dathlu cerddoriaeth draddodiadol Gymreig. Trwy’r gweithgareddau hyn, rydym yn cryfhau’r ymdeimlad o gymuned ac yn annog defnydd naturiol o’r Gymraeg. Teithiau Cerdded Mae’r Daith Gerdded 4C yn ffordd hyfryd o ddod ynghyd i fwynhau coffi, cerdded, cymdeithasu a chinio! Mae’r teithiau wedi bod yn rhedeg ers tua 9 mlynedd ac yn cael eu cynnal yn gyson gyda lleoliad newydd bob to, gan gynnig cyfle i weld prydferthwch Sir Benfro. Mae’r teithiau’n addas i bawb ac yn ffordd berffaith o dreulio amser yn yr awyr agored. Roedd Waldo Williams yn un o feirdd mwyaf dylanwadol Cymru ac yn frodor o’r ardal hon. Trwy ei farddoniaeth, mynegodd syniadau dwfn am heddwch a chymuned, gan adael etifeddiaeth barhaol i Gymru gyfan. Mae Wâc Waldo yn gyfle blynyddol i gofio’r bardd, i fyfyrio ar ei waith, ac i ddathlu ei gyfraniad arbennig i’r Gymraeg a diwylliant y fro. Gerddi Gleision Mae Menter Iaith Sir Benfro wedi bod yn cynnal sesiynau ‘Gerddi Gleision’ fel rhan o’r paratoadau i groesawi Eisteddfod y Garreg Las 2026 i’r ardal. Daw’r prosiect hwn o dan ymbarél prosiect Glas a grëwyd gan Llinos Mair, ac gyda chymorth Adam yn yr Ardd. Fel rhan o’r prosiect rydym wedi bod yn plannu bylbiau Cennin Pedr ar draws y sir; symbol o groeso a chydweithio wrth edrych ymlaen at yr ŵyl. Rydym nawr yn edrych ymlaen at weld y Cennin Pedr yn blodeuo yn y gwanwyn, ac yna’u hailblannu’n gynnar yn yr haf y flwyddyn nesaf i barhau i greu tirwedd liwgar a chroesawgar ledled y sir. Ras Hwyl Yn ddiweddar, rydym wedi cynnal Ras Hwyl Carnabwth, yr un cyntaf ers rhai blynyddoedd. Roedd yn gyfle gwych i ddod â’r gymuned ynghyd, lle’r oedd unigolion o bob oed a gallu yn medru dod at ei gilydd i fwynhau noswaith o gadw’n heini, cael hwyl a chymdeithasu. Yn ogystal â’r ras hwyl, roedd adloniant gan Gwerin Fel Na Mai a Dafydd Pantrod a’i Fand, gan greu awyrgylch gynnes a bywiog ar ddiwrnod glawiog. Aeth holl elw’r digwyddiad tuag at gefnogi Eisteddfod y Garreg Las 2026. I gadw i fyny â’n rasys hwyl a’n digwyddiadau yn y dyfodol, dilynwch ein tudalen Facebook Rasus Hwyl / Fun Runs Menter Iaith Sir Benfro https://www.facebook.com/Rasushwylsirbenfro/ Cwis Wes Glei Mae Cwis Wes Glei yn un o weithgareddau mwyaf poblogaidd y Fenter, ac wedi bod yn rhedeg ers dros 25 mlynedd! Dechreuodd y cwis ym 1999, ac mae’r plac cyntaf ar y darian yn dal i gofio’r flwyddyn honno’n falch. Bob blwyddyn mae’r cwis yn teithio o amgylch dalgylch bro’r Preseli, gyda chwisfeistr newydd yn dod â’i steil a’i hiwmor ei hun. Mae’r noson yn gyfuniad perffaith o wybodaeth, chwerthin ac agosatrwydd cymunedol, sy’n gyfle gwych i bobl leol ddod ynghyd i fwynhau cystadleuaeth gyfeillgar ac i gadw’r traddodiad arbennig hwn yn fyw. Cyngerdd yr Adfent Ers dros ddegawd, mae’r Fenter wedi cynnal Cyngerdd yr Adfent, sy’n denu cynulleidfaoedd o bob cwr o’r sir a thu hwnt gan gynnig profiad cerddorol o’r radd flaenaf gydag artistiaid adnabyddus. Mae’r digwyddiad blynyddol hwn yn cael ei drefnu mewn cydweithrediad â Chelfyddydau SPAN, gan gryfhau’r cysylltiadau rhwng sefydliadau lleol a chynnig cyfleoedd creadigol i bawb. Parêd Dydd Gŵyl Dewi Mae Parêd Dydd Gŵyl Dewi yn ddigwyddiad blynyddol lliwgar sy’n cael ei drefnu gan y Fforwm Iaith, sydd wedi bod yn gweithio’n ddiwyd ers tua deng mlynedd i hyrwyddo’r Gymraeg a dathlu diwylliant Cymru. Cynhelir y parêd yn Hwlffordd bob blwyddyn, gan ddod â chymunedau o bob cwr o’r sir at ei gilydd i ddathlu Dydd Gŵyl Dewi gyda cherddoriaeth, baneri, dawnsio a llawer o hwyl. Yn ogystal â’r parêd ei hun, cynhelir cystadleuaeth addurno ffenestri, sy’n annog busnesau a thrigolion lleol i gymryd rhan a chyfrannu at awyrgylch dathliadol y dref. Mae’n ddigwyddiad sy’n uno pobl o bob oed ac yn arddangos balchder Sir Benfro yn ei hiaith a’i hunaniaeth Gymreig.https://mentersirbenfro.cymru/wp-content/uploads/2026/01/Gwilym-Bowen-Rhys-llun-teitl.png